galdakaoko berbalagun: 2012/01 - 2012/02

2012/01/31

Txalaparta saioa

Atzo, urtarrilak 30, txalaparta saio interesgarria antolatu genuen Aratz Basauriko berbalagunaren eskutik. Irakasle, ikasle eta berbalagunen artean 24 pertsona bertaratu ziren Galdakaoko AEK euskaltegirara.

Azalpenekin hasi aurretik, Aratzek ezin hobeto kontatu zigun txalapartaren historia. Jarraian, Eneritz txalapartariarekin bost minutuko erakustaldia egin zigun, txalaparta nola jo behar den erakusteko. Ondoren, berbalagunon txanda heldu zen, baina soinua ez zen eurena bezain ona izan kar, kar, kar. Ordubete eta erdiz egon ginen ttakun-ttakunaren erritmora nor baino nor baldarrago, baina pozik.












Irakaslea azalpenak ematen. Ikasleak ahal dutena egiten...












Ikastaro interesgarri bezain polita.

2012/01/30

Lehenengo mendi irteera

Urtarrilaren 28an Hego Uribeko berbalagunon mendi taleak bere lehen urratsak eman zituen. Hasiera batean Orixol mendira joateko asmoa izan bagenuen ere, eguraldi kaskarra ikusita, ibilbide laburragoa egitea erabaki genuen. 8:30ean kotxeak hartu eta Astxikira abiatu ginen poz-pozik. Tontorrera heldu arte oso eguraldi ona izan genuen. Bueltako bidea gogorragoa izan zen lainoak eta euriak bidea zaildu zigutelako. Hala ere, oso paisaje ederrak ikusi ahal izan genituen eta horrez gain, horrelako irteera asko egingo dituen talde baten sorrera izan zen lehengo egunekoa; eta hori da garrantzitsuena. Biba zuek!











Hasieran denok irribarretsu, gero aurpegi nekatuagoak ikusten hasi ginen












Hara! Zer jartzen du pankarta horretan?
BERBALAGUNOK EUSKARAZ BIZI NAHI DUGULA!


2012/01/24

Generoaren inguruko mahai-ingurua



Antolatzaileak: Galdakaoko gazte asanblada eta
Pantxike Galdakaoko emakumeak taldea

Noiz: Otsailaren 2an, 18:00etan.

Lekua: Torrezabal kultur etxea

Sarrera dohainik



Berbalagunok ere emakumeenganako indarkeriaren aurka gaudenez, urtarrilaren 26an Torrezabalen egingo den mahai-inguruan parte hartzeko deia egiten dugu. Oso interesgarria eta baliagarria izango da hitzaldia, gainera solasaldia bukatu ostean tailerrak ere egingo dituzte.


BERBALAGUNOK ERE BERDINTASUNAREN ALDE!

2012/01/23

Urtarrilaren 28an Orixol mendira.


ORIXOL MENDIA

- Zonaldea: Urkiola
- Altuera: 1131 m
- Ibilbidea: 3:30 ordu gutxi gora behera
- Irteera ordua: 8:30ean
- Ez ahaztu aldatzeko botak



Urtarrilaren 28an, larunbata, Hego-Uribeko berbalagunok Urkiolako Orixol mendira egingo dugu lehen mendi irteera.
Irteera ordu eta eta lekua: 8:30ean Galdakaoko udaletxeko plazatik.

Izena emateko galdakao_berba@aek.org edo hegouribe@aek.org helbidera bidali mezua, zenbat kotxe eraman behar ditugun jakiteko.

Mendi taldea

Euskaldunok eta mendia beti lotuta egon gara.


Hego-Uribeko berbalagunok mendi taldea sortu dugu. Hilabetean behin-edo mendi irteera bat egingo dugu mendiaz eta euskaraz elkarrekin gozatzeko.
Aldez aurretik, blog honen bidez, zein facebook-en bidez emango zaizue irteeren berri. Eskatzen zaizuen gauza bakarra da izena emateko mezua bidaltzea, zenbat kotxe eraman behar izango ditugun kalkulatzeko.

BOTAK JANTZI ETA ETORRI GUREKIN!!!






Asteazkeneko berbalagunak museoan




Urtarrilaren 4an asteazkeneko berbalagunak museora joan ziren.

Talde bereko bi berbalagunen margolan erakusketa ikustera joan eta
bide batez, Bilbotik osteratxoa egin zuten. Eguraldi kaskarra izan arren ederto batean pasatu zutela esan digute.

Goiz pasa ederra artistaz beteriko talde honena!



Abenduko kantugintza saioa




Abenduaren 22an loteria ez zitzaigun tokatu, baina Jonuren eskutik antolatu genuen kantugintza saioa et ahorren osteko luntx-a mundiala izan zen.

Euskaraz egin diren maitasun abestirik ezagun eta politenetakoak abestu genituen elkarrekin Jonuren gidaritzapean. Saioan adin guztietako jendea egon zen. Nagusienek Benito edo Urkoren abestiekin gozatu zuten gehien; Gazteek, Su ta gar eta Sorotan Beleren baladekin eta umeek Pirritx eta Porrotxen bertsionatutako “Maite zaitut” kantarekin.
50 liburuxka prestatu genituen abestien letra irakurtzeko eta baten batek ondoan zuenarekin elkarbanatu behar izan zuen, denentzako ez zen egon eta.

Jonu ere oso pozik agertu zen jendearen erantzunarekin, egindako lan txukunak horren erantzun ona izateak edonor pozten du eta. Gainera, abesti baten azalpena ematen ere publiko artean laguntza izan zuen. Eta hori da zuek egitea nahi duguna: Etortzea, parte hartzea eta gozatzea.

Hurrengo saioa aste santuko oporrak baino lehen egingo dugu eta horren berri izango duzue bai blog honen bidez, bai facebook-en bidez.




2012/01/20

Harria eta herria hitzaldia





Basauriko Euskarabila elkarteak antolatutako Harria eta herria hitzaldian ateratako argazkiak dituzue ikusgai.


Ordubeteko hitzaldi interesgarria eman zuen Iñaki Perurenak. Bertan harriaren eta euskararen jatorriaz hitz egin zuen.


Saioa bukatu eta argazki polit-polita atera ziguten Hego Uribeko berbalagunoi harrijatzolaile leitzarrarekin.






2012/01/19

Osteguneko berbalagunon afaria



Batzuk lanean, eta bitartean beste batzuk...







Azaroaren 4an osteguneko berbalagunok urteko lehen afaria egin genuen.

Urrian ezagutu genituen aurtengo fitxaje berriak eta astebetera erabaki genuen afaria egitea denok hobeto ezagutzeko elkar. Iaz zazpi lagun, aurten hamalau; kontuak atera…Afaria beste sukaldari batek eta bere bi laguntzaileek egin ziguten eta egia esan, lehia handia egongo da zein baino zein hobea delako. Afalostean guztientzako opariak egon ziren eta horrek giroa gehiago alaitu zuen.

Txokotik irteterakoan betikoa: batzuk goiz etxera eta beste batzuk tabernak ixten.

Hurrengoan ez gara txokoan sartuko!!!








2012/01/16

Txalaparta ikastaroa.


Urtarrilaren 30ean Txalaparta ikastaro interesgarria egingo dugu.
Saio bakarra izango da, hau da, ez da astero astero egingo dugun kontua.
Jende asko etorriko balitz urtean zehar saio gehiago egingo genituzke.

Txalaparta zer den eta zelan jotzen den ikasiko dugu eta bide batez zarata (musika handirik ez dugu guk egingo) apur bat aterako dugu.

20:00etan Galdakaoko AEK euskaltegian
SARRERA DOHAINIK

Anima zaitezte!!!